നാളെ എന്നത് ഒരു വിശ്വാസം ആണ്;
ഇന്ന് പെയ്ത മഴ നാളെ തോരുമെന്നും,
ഇന്നത്തെ ഇരുട്ട് നാളെ വെളിച്ചമാകുമെന്നും,
ഇന്ന് കണ്ട സ്വപ്നം നാളെ നടക്കുമെന്നും,പിന്നെ
ഇന്ന് ഞാൻ കണ്ട് പേടിച്ച സ്വപ്നങ്ങൾ നാളേക്ക് നിൽക്കില്ല എന്നും,
ഇന്ന് വന്ന ദുഃഖം നാളെ മായുമെന്നും, ഒരു വിശ്വാസം....
'നാളെ'- ഒരു വിശ്വാസമാണ്.....
പക്ഷേ,
ഇന്ന് തോളോടു തോൾ ചേർന്ന് നടക്കുന്നവർ
നാളെ
മറ്റൊരു തോൾ ചേർന്ന് നടക്കരുതെന്നും,
ഇന്ന് ചുംബിച്ച ചുണ്ടുകൾ നാളേക്ക് വിട പറയരുതെന്നും,
ഇന്ന് വിരിഞ്ഞ പൂക്കൾ നാളെയും കാണണം എന്നതും
ഒരു ആഗ്രഹം.....
'നാളെ'-അതൊരു മോഹമാണ്...
ഇന്നെഴുതിയ വരികൾക്ക് ഒരു 'നാളെ' ഉണ്ടാകുമോ എന്നത്
ഒരു ചോദ്യമാണ്.....
